Pamjet që tregojnë reagimin me nervozizëm të Courtois, pas humbjes së Belgjikës nga Maroku
Thibaut Courtois kishte një ditë të keqe në portë gjatë ndeshjes ndërmjet Belgjikës dhe Marokut në sfidën e dytë të fazës grupore në Kampionatin Botëror.
ADVERTISING
Portieri i Real Madridit ishte fantastik në fitoren ndaj Kanadasë, porse ishte fajtor në humbjen befasuese nga Maroku.
Ai pranoi një gol nga gjuajtja e lirë kah shtylla e tij më e afërt, para se marokenët ta vulosnin fitoren në minutat shtesë.
(Foto: Screenshot/Twitter)
Pas përfundimit të ndeshjes, 30-vjeçari vërehej se nuk ishte aspak i kënaqur me paraqitjen e vet dhe të skuadrës, e sidomos me rezultatin.
Në një video të shpërndarë në rrjetet sociale, Courtois shihet duke e goditur xhamin e bankës rezervë gjatë largimit drejt zhveshtores.
— Out Of Context Football (@nocontextfooty) November 27, 2022
Kjo humbje do të thotë se Belgjika me çdo kusht duhet ta mposhtë Kroacinë në ndeshjen e fundit të fazës grupore, në mënyrë që të kualifikohet në të tetën e finales.
Maroku është në situatë shumë të mirë (katër pikë) dhe në sfidën e fundit luan përballë Kanadasë.
