Kosova vazhdon ta përmirësojë pozitën në renditjen e FIFA-s
Renditja e re e FIFA-s për kombëtaret është publikuar sot, duke sjellë lajme të mira për Kosovën.
Pas dy fitoreve të rëndësishme ndaj Islandës në play-offin e Ligës së Kombeve, “Dardanët” kanë shënuar përparim në klasifikim, duke u ngjitur për dy pozita.
Tani, Kosova renditet në vendin e 97-të në botë, pozita më e lartë që ka arritur ndonjëherë në këtë renditje prestigjioze që nga anëtarësimi në UEFA e FIFA.
Ky sukses konfirmon progresin e ekipit kombëtar dhe rritjen e vazhdueshme në arenën ndërkombëtare.
