Hidhet shorti, Superliga nis me dy derbi
Sot në selinë e FFK-së është hedhur shorti për edicionin e ri garues të Albi Mall Superligës së Kosovës në futboll 2026/2027.
Ceremonia e shortit u zhvillua në prani të kryetarit të Komisionit të Garave, Abdyl Bellopoja, administratorit të Superligës, Agron Shosholli si dhe të përfaqësuesve të klubeve pjesëmarrëse në elitën e futbollit kosovar.
Në emër të presidentit të FFK-së, Agim Ademi, kryetari i Komisionit të Garave, Abdyl Bellopoja, u ka uruar klubeve një kampionat sa më të suksesshëm, me garë fer, organizim sa më të mirë dhe mbarëvajtje të garave gjatë gjithë edicionit.
Sezoni vjeshtor nis më 15 gusht, ndërsa shorti ka sjellë përballje interesante që në javën e parë.
Kampionia në fuqi, Drita, do ta nisë mbrojtjen e titullit në shtëpi ndaj Llapit, ndërsa një tjetër përballje mjaft tërheqëse në start do të jetë ajo mes Prishtinës dhe Ballkanit.
