Flick jep lajmin e fundit për Lamine Yamal para sfidës ndaj Valencias

Trajneri i Barcelonës, Hansi Flick, ka dhënë një përditësim për gjendjen e Lamine Yamalit, në prag të ndeshjes ndaj Valencias në javën e katërt të LaLiga-s.

Yamal nuk u stërvit me pjesën tjetër të skuadrës në seancën e së shtunës, por zhvilloi një stërvitje individuale. Kjo ngriti dyshime për praninë e tij në ndeshjen e radhës.

Megjithatë, Flick konfirmoi se talenti i Barcelonës do të udhëtojë me ekipin drejt Valencias dhe nuk e përjashtoi mundësinë që ai të luajë.

“Lamine pësoi një dëmtim dhe menduam se ishte më mirë që të stërvitej veçmas. Por ai do të udhëtojë me ne dhe shpresojmë se mund të luajë nesër”, deklaroi Flick para mediave.

Vendimi përfundimtar për aktivizimin e Yamalit pritet të merret pas vlerësimit të gjendjes së tij fizike.

Barcelona do të synojë fitoren në transfertën ndaj Valencias, ndërsa prania e Yamalit mbetet ende në dyshim.