FermerI argjentinas bëri një imazh të Messit me misër në një fushë të madhe prej 500,000 metrash katrorë
Fermeri argjentinas Maximiliano Spinace për nder të “ikonës” së Argjentinës, Leo Messi, vendosi t’i bënte një homazh të madh, duke mbjellë misër në arën e tij në atë mënyrë që ai të bënte një imazh të madh të yllit.
Spinace, me ndihmën e një kompjuteri dhe mikut të tij, inxhinierit bujqësor Carlos Farricelli, vlerësoi se ku duhet të mbillet misri në arën e tij në Los Condores, në provincën e Kordobës, në mënyrë që tani kjo vepër e pazakontë të mund të shihet nga hapësira.
“Tani jemi kampionë bote dhe jam shumë i lumtur që ia dolëm me sukses projektit”, thotë Spinace.
Faricelli shpjegoi procesin për Reuters. “Ne kishim idenë për të vendosur kodin në algoritmin e mbjelljes për të shfaqur karakterin e Messit. Me mjetet gjeo-koduese, makina e di se sa farë nevojitet për çdo metër katror dhe sa të vendosë për të marrë kontrastin për pjesët e fytyrës së Messit. Kështu, kur misri rritet dhe shihet nga një lartësi, ku ka më shumë bimë më afër, toka është më pak e dukshme, pra krijohet një kontrast”, thotë Faricelli.
