FC Liria Berlin afër kalimit në Bundesligë

Një klub i Diasporës shqiptare është afër qëllimit që të arrijë suksesin historik për t’u bërë pjesë e Bundesligës. Bëhet fjalë për klubin e futsallit, FC Liria, që drejtohet nga Sadik Murseli e Mahir Gurgule.
Këtë sukses, FC Liria mund ta arrijë këtë të diele, kur do të përballet me Sparta Futsal, skuadra e vetme nga e cila ka pësuar humbje në këtë edicion. Tani FC Liria me fitore do ta siguronte kalimin në Bundesligën e futsallit, që do të ishte një sukses i jashtëzakonshëm.