Drita fillon përforcimet, nënshkruan me Liridon Balajn
Drita ka vazhduar të bëhet gati për sezonin e 2025/26, pasi këtë të sapo përfunduarin e mbyllën me sukses duke fituar titullin e kampionit.
Pasi kanë blinduar yjet më të mëdha të skuadrës, kampioni i ri i Kosovës ka nisur me përforcime.
Drita ka zyrtarizuar ardhjen e sulmuesit Liridon Balaj, i cili së fundmi ka bërë karrierë te Skënderbeu në Shqipëri.
Sulmuesi pejan e ka nisur karrierën te Besa e Pejës, derisa ka bërë karrierë edhe në Zvicër te Aarau e Schaffhausen, derisa për një periudhë ishte edhe në futbollin belg te klubi Deinze.
Njoftimi i plotë nga FC Drita:
Liridon Balaj është përforcimi ynë më i ri
Kemi knaqësinë të ju prezentojmë përforcimin tonë më të ri, sulmuesin Liridon Balaj.
Balaj është zyrtarizuar nga drejtori sportiv i klubit z. Valon Zymberi i cili njoftoi se marrëveshja është arritur që Balaj të jetë me ne për dy vitet e ardhshme.
Balaj luan në poziten e sulmuesit të krahut të djathtë dhe së fundmi ishte pjesë e ekipit të Skenderbeut nga Shqipëria.
Liridoni si i ri ishte pjesë e ekipit të KF Besa nga Peja dhe në sezonin 2018/19 u largua në drejtim të futbollit zvicrran ku për disa vite ishte pjese e ekipeve si FC Aarau dhe FC Schaffhausen gjithashtu për një kohë ka luajtur edhe në futbollin belg.
Balaj do të jetë një forcë e re e ekipit dhe i dëshirojmë shume suksese së bashku.
Mirë se vjen Balaj.
