Drenica në çerekfinale pas penalltive
Skuadra e Drenicës është çerekfinalistja e parë në Kupën e Kosovës. Kuqezinjtë nga Skenderaj fituan si mysafirë përballë Trepçës, pas penalltive. Ndeshja në kohën e rregullt dhe pas vazhdimeve u mbyll pa gola. Ndërkaq, në serinë e penalltive Drenica triumfoi 4:2. Të saktë nga 11 metra për kuqezinjtë ishin Shkelzen Lushtaku, Kreshnik Uka, Arbios Thaçi dhe Diellor Beseni. Pesë ndeshje tjera të 1/8 së finales zhvillohen të mërkurën, derisa dy të fundit të enjten.
