Dita e ndeshjes: Kosova kërkon fitore në udhëtim te Zvicra
Sot (e premte) është në orar për t’u zhvilluar ndeshja mes kombëtares së Kosovës dhe asaj të Zvicrës në kuadër të kualifikimeve për Kupën e Botës 2026.
Dardanët do të luajnë në udhëtim te Helvetikës, në ndeshjen e parë kualifikuese të Grupit B.
Ky takim është planifikuar të zhvillohet në stadiumin St. Jakob-Park të Bazelit, me fillim nga ora 20:45.
Ekipi i drejtuar nga Franco Foda është gati për këtë përballje dhe synon t’i nis kualifikimet me rezultat pozitiv.
Foda ka një ekip të kompletuar për këtë ndeshje, përveç Edon Zhegrovës, i cili është liruar shkaku i transferimit te Juventusi dhe Milot Rashicës së lënduar.
