De Rossi si pasues i Mourinhos te Roma?
Daniele De Rossi është emri më serioz për të marrë drejtimin e skuadrës së Romës.
Të paktën kështu raporton eksperti i transferimeve, Fabrizio Romano, i cili theksoi se De Rossi është favorit për të pasuar Jose Mourinhon, i cili u shkarkua sot.
Shkarkimi i portugezit, vjen pas humbjes nga Milani në vikend, me rezultat 3-1.
Mourinho është prezantuar si trajner te Roma në maj të vitit 2021. Ai e drejtoi ekipin drejt triumfit në Ligën e Konferencës në Tiranë dhe e çoi në finale të Ligës së Evropës në Budapest në sezonin e shkuar.
Përndryshe, De Rossi e ka kaluar të gjithë karrierën te skuadra e Romës, duke zhvilluar mbi 400 paraqitje në të gjitha garat.
