Busquets thotë se tërheqja nga futbolli mund të vijë së shpejti
Sergio Busquets thotë se fundi i karrierës së tij po afrohet, duke lënë të hapur mundësinë e tërheqjes pas këtij sezoni me Inter Miami.
Mesfushori 37-vjeçar, që iu bashkua klubit vitin e kaluar pas largimit nga Barcelona, tha se nuk ka vendosur ende për të ardhmen. Kontrata e tij skadon në dhjetor.
“Jam shumë më pranë tërheqjes sesa të vazhdoj të luaj”, tha Busquets. “Nuk ka asgjë zyrtare, as për rinovimin e mundshëm, as për një ceremoni lamtumire”.
Busquets mbetet një nga figurat kryesore të Inter Miami, pranë Lionel Messit, ndërsa ekipi përgatitet për gjysmëfinalen e Leagues Cup kundër Orlando City.
