Beka mund të debutoi ndaj Zvicrës: Është loja e jetës time, nëna ime qau nga gëzimi
Ismail Beka mund të jetë njëri nga debutuesit në ndeshjen Kosovë-Zvicër. Futbollisti që luan te Luzerni në Zvicër e ka quajtur lojën e të shtunës si ndeshjen e jetës.
Beka ka treguar edhe emocionet e nënës së tij pasi pranoi ftesën nga Kosova.
“Të jesh në gjendje të luash për vendin tënd është një ndjenjë e madhe dhe e papërshkrueshme. Mamaja ime qau kur e mori vesh se jam ftuar te Kosova. Është loja e jetës sime. Në këto 90 minuta do të kem emocione shumë të veçanta. Për këtë duel vjen e gjithë familja ime nga Zvicra dhe aty do të jenë edhe shumë të afërm të mi në Kosovë. Kjo është vërtet e lezetshme” ka thënë Beka.
