Ademi me ministrin Maqedonci nënshkruajnë marrëveshje bashkëpunimi
Presidenti i Federatës së Futbollit të Kosovës, Agim Ademi është takuar sot me Ministrin e Mbrojtjes së Kosovës, Ejup Maqedoncin me të cilin kanë nënshkruar një marrëveshje bashkëpunimi në përputhje me mundësitë dhe nevojat e të dy palëve.
Lajmi është bëri i ditur nga ministri Maqedonci përmes një postimi në Facebook.
“Sot nënshkruam marrëveshje bashkëpunimi me Federatën e Futbollit të Kosovës, për bashkëpunim të ndërsjelltë dhe ofrim të mbështetjes në përputhje me mundësitë dhe nevojat e të dy palëve. Bashkëpunimi në mes institucioneve dhe zhvillimi i projekteve të përbashkëta mbetet prioritet i Ministrisë së Mbrojtjes”, ka shkruar Maqedonci.
