Tuchel kërkon largimin e shtatë yjeve nga Bayern Munichu këtë verë, Sadio Mane mund të jetë largimi kryesor

Trajneri Thomas Tuchel po planifikon të shesë shtatë yje të Bayern Munichut këtë verë, pasi synon të bëjë ndryshime të mëdha te Bavarezët.

Tuchel, i cili iu bashkua Bayernit në muajin mars, e udhëhoqi klubin drejt titullit të 11-të radhazi të Bundesligës. Por pavarësisht se i fitoi ligën, 49-vjeçari dëshiron një rinovim të madh veror në klub përpara sezonit 2023/24.

Sipas gazetës gjermane Bild, lista e largimeve përmban disa emra të mëdhenj, duke përfshirë Sadio Mane, i cili nënshkroi për klubin vetëm verën e kaluar.

Ai u largua nga Liverpooli për t’u transferuar në Bayern në një transferim me vlerë 42 milionë euro, por duroi një sezon debutues dërrmues në Gjermani.

Senegalezi shënoi vetëm 12 gola në të gjitha garat pasi nuk arriti të përsëriste formën e tij që e kishte në Ligën Premier.

Bayern tashmë është i përgatitur të dëgjojë ofertat për 31-vjeçarin, me Newcastle United që mendohet të jetë i etur për ta transferuar atë në ligën elitare të Anglisë.

Leroy Sane dhe Serge Gnabry janë gjithashtu në listën e largimeve, me Tuchel që kërkon të përforcojë sulmin e tij përpara sezonit të ri.

Portieri Alexander Nubel, mbrojtësi i djathtë Bouna Sarr dhe mesfushori Marcelo Sabitzer, i cili iu bashkua Manchester United si huazim në janar, janë gjithashtu të lirë të largohen nga Allianz Arena.

Mbrojtësi francez, Benjamin Pavard, përfundon listën e shtatë lojtarëve në largim pasi vendosi kundër nënshkrimit të një marrëveshjeje të re me Bayern.

Largimet do të lejojnë Tuchel të rekrutojë lojtarë të rinj, me yje si Harry Kane i Tottenham, Declan Rice i West Ham United dhe Victor Osimhen i Napolit të lidhur me një lëvizje te Bavari.

Klubi gjerman gjithashtu mendohet të jetë duke e kontrolluar yllin e Eintracht Frankfurt, Randal Kolo Muani.

Bayern duket se është gati për një afat të ngarkuar kalimtar të transferimeve të verës pasi Tuchel synon të vulos identitetin e tij në ekip.