Inter Miami dëshiron që Leo Messit t’i bashkohen edhe tre ish-shokët e skuadrës

Me ardhjen e Lionel Messit te Inter Miami, klubi amerikano-verior nuk ka ndërmend të ndalet vetëm me lojtarin argjentinas, kur bëhet fjalë për nënshkrimet e reja.

Sipas “Olé”, stema e Floridës synon të afrojë edhe Luis Suarez, Sergio Busquets dhe Jordi Alba, ish-shokët e argjentinasit te Barcelona.

Luis Suarez, aktualisht në Grêmio, ka zhvilluar 24 ndeshje, 11 gola dhe 8 asistime në total këtë sezon, ndërsa Sergio Busquets u largua nga Barcelona në fund të kontratës dhe është i lirë në merkato. E njëjta gjë ndodh me Jordi Alba, mbrojtësi i majtë që përfundoi me katalanasit dhe mund të nënshkruajë për çdo ekip tjetër me ‘kosto zero’.