Dukagjini e Drita ndahen në paqe në “18 Qershori”
Drita nuk ka arritur të marrë më shumë se një pikë në përballje me Dukagjinin në stadiumin “18 Qershori” në Klinë, në kuadër të javës së 29-të në AlbiMall Superligë. Drita dominoi në pjesëlojën e parë, por nuk arriti të shënonte. Ndërkaq në pjesën e dytë ishin vendasit që ishin më kërkues dhe patën disa mundësi të mira, por nuk u treguan efikas para portës së Smakiqit. Ky barazim i kushtoi skuadrës së Arsim Thaqit me humbjen e pozitës së parë, derisa Dukagjini ngjitet në pozitën e pestë me 39 pikë.
