Bayern ngriti duart nga Kane, një shans për Manchester United

Bayern Munich ka lënë një “hapësirë” për Manchester United për të nënshkruar me Harry Kane këtë verë, duke pranuar se nuk ka asnjë mënyrë që ata të shpenzojnë 100 milionë euro këtë verë.

Meqenëse Kane ka vetëm një sezon të mbetur në kontratën e tij me Tottenham, besohet se ai do të bëjë një lëvizje në një përpjekje për të fituar disa trofe, diçka që sulmuesit 29-vjeçar i mungon dhe Bayern ka nevojë për një golashënues të vërtetë të cilin ata nuk e kanë pasur që nga largimi i Robert Lewandowski. Në të njëjtën kohë, Manchester United ka qenë i interesuar për Kane për një kohë të gjatë.

Drejtori financiar i Bayernit, Michael Diederich pranon se një transferim prej 100 milionë eurosh është jorealist për klubin e tij.

“Nuk përjashtoj asnjë mundësi, por a mundemi apo duam një transferim të tillë? Ne duhet të mbajmë një sy në përfitimin e klubit tonë”, thotë Diederich.