Messi me shokë tallin rivalët: Një minutë heshtje për Francën e Brazilin, kanë vdekur
Futbollistët e Argjentinës i kanë thumbuar rivalët e vet Francën dhe Brazilin duke kënduar “një minutë heshtje për Brazilin, një minutë heshtje për Francën”.
Lionel Messi e shënoi golin e 800-të në nivelin e lartë të futbollit, duke i ndihmuar Argjentinës ta mposhtë Panamanë 2:0 në ndeshjen e parë të tyre qëkur e fituan Kupën e Botës 2022.
Argjentina e mundi Francën me penallti dramatike në finalen e Katarit në dhjetor, për ta fituar Botërorin për herë të parë që prej vitit 1986.
Pas fitores në miqësoren kundër Panamasë të enjten para mbi 80 mijë argjentinasve në stadiumin e Buenos Aires, Messi me shokë festuan në fushë me këngë e valle.
Por ata nuk u ndalën me kaq, pasi edhe i tallën rivalët e vet Francën dhe Brazilin, duke kënduar: “Një minutë heshtje për Brazilin, ata kanë vdekur”, dhe “një minutë heshtje për Francën, ata kanë vdekur”.
Para se ta fitonte Botërorin, Argjentina e kishte fituar Kupën e Amerikës pas shumë vuajtjeve në vitin 2021 duke e mundur Brazilin në finale.
Duke e mbajtur trofeun e Kupës së Botës në dorë, Messi foli para tifozëve në stadium.
“Gjithmonë e kam ëndërruar këtë çast, për të festuar me ju në vendim tim Argjentinën, duke e ngritur lart gjënë më të bukur, Kupën e Botës”, tha Messi.
Ai shtoi: “Eja të vazhdojmë ta bëjmë këtë që jemi duke e bërë dhe ta shijojmë, sepse kemi pritur shumë kohë të gjatë për ta fituar përsëri. Ejani ta shijojmë yllin e tretë”.
https://platform.twitter.com/embed/Tweet.html?creatorScreenName=demokracia&dnt=false&embedId=twitter-widget-0&features=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%3D&frame=false&hideCard=false&hideThread=false&id=1639091531167432704&lang=en&origin=https%3A%2F%2Fdemokracia.com%2Fmessi-me-shoke-tallin-rivalet-nje-minute-heshtje-per-francen-e-brazilin-kane-vdekur%2F&sessionId=fae3a6c315c017f5b3b10db95ee50da560f7cf1f&siteScreenName=demokracia&theme=light&widgetsVersion=aaf4084522e3a%3A1674595607486&width=550px
