Barça vjen me një transferim të papritur, sot mund t’i bashkohet mbrojtësi i ekipit amerikan

Mbrojtësi i djathtë i LA Galaxy, Julian Araujo është në radarët e Barcelonës, pasi gjigantët e La Ligës thuhet se shpresojnë ta huazojnë me një opsion për ta blerë.

Sipas ESPN, Barca thuhet se ka monitoruar 21-vjeçarin Araujo për disa kohë dhe e sheh atë si një zëvendësues nëse Hector Bellerin largohet dhe shkon në Sporting Libson – përcjell GazetaBlic Sport.

Araujo do t’i bashkohej menjëherë ekipit B të Barçës nëse huazohet, por se klubi mendon se ai ka potencialin për t’u përfshirë me ekipin e parë nën drejtimin e trajnerit Xavi.