Chelsea me një mega-ofertë prej 105 milionë funte për Fernandez, Benfica gati për një marrëveshje

Trajneri i Benfica-s, Roger Schmidt pranon se klubi nuk do të jetë në gjendje të mbajë Enzo Fernandez nëse Chelsea paguan klauzolën e tij të blerjes, pasi Blutë bënë një ofertë prej 105 milionë funte, sipas The Telegraph, që do të ishte transferimi më i madh në historinë britanike.

Nëse këto raporte rezultojnë të vërteta, kjo do të thotë se Chelsea do të shpenzojë mbi 500 milionë funte në dy afatet e fundit transferuese, por synon me çdo kusht të nënshkruajë një marrëveshje për 22-vjeçarin argjentinas, i cili u shpall lojtari më i mirë i ri në Kupën e Botës në Katar. Më parë, Benfica refuzoi një ofertë të parë prej 75 milionë funte dhe një ofertë të dytë prej 112 milionë funtesh, por në tre këste.

“Ndërsa afati i transferimeve është i hapur, ne jemi gati. Të gjithë e dimë situatën e Enzo-s, ai ka një klauzolë blerjeje dhe nëse një klub e paguan atë, këto janë shumë para dhe ne nuk mund ta ndalojmë atë. Do të kërkojmë zgjidhje të tjera”, tha Schmidt për “A bola”.

Sipas Telegraph, njerëzit e Chelseat do të takohen nesër me zyrtarët e Benfica-s në Lisbonë në përpjekje për të arritur marrëveshjen.