Enis Bardhi mund të rikthehet në La Liga

Enis Bardhi është afër largimit nga Trabzonspori, teksa numri i klubeve të interesuara për transferimin e tij është në rritje. Pas skuadrës italiane Torino dhe asaj franceze Nice, interesimi i klubeve të La Ligës për futbollistin që mbron ngjyrat e Përfaqësueses së Maqedonisë së Veriut është në rritje.

Rayo Vallecano është skuadra e radhës që ka shfaqur dëshirën për të blerë Enis Bardhin dhe për ta rikthyer në La Liga.

Në fakt, ai verën e kaluar u transferua në Turqi nga Levante, e cila ra nga elita spanjolle. Por pas vetëm gjashtë muajsh, Trabzonspor mendon se Bardhi është ngarkesë e madhe për buxhetin e klubit dhe po kërkon një opsion për ta shitur atë.