Rodri konfirmon se ka pasur bisedë telefonike me Mourinhon

Ylli i ri i Barcelonës, Rodri, ka konfirmuar se ka zhvilluar një bisedë telefonike me Jose Mourinhon, i cili e kishte bindur të transferohej te Real Madridi gjatë kësaj vere.

Rodri, i shpallur futbollisti më i mirë i Kupës së Botës, kishte mundësinë të zgjidhte mes Real Madridit dhe Barcelonës, por në fund vendosi për klubin katalanas.

“Mourinho ka thënë publikisht se kemi pasur një bisedë telefonike? Mendoj se nuk është në stilin e tij të zbulojë bisedat private, por ai e shprehu qartë dëshirën që unë t’i bashkohesha klubit dhe më tregoi se çfarë mund t’i sillja ekipit. Ai u soll vërtet shumë mirë me mua”, tha Rodri.

Ai tregoi se pas vendimit për të kaluar te Barcelona, e kishte telefonuar Mourinhon për ta falënderuar për interesimin.

“Kur mora vendimin, e telefonova dhe e falënderova për interesimin dhe mënyrën se si më trajtoi. Mendoj se është një trajner fantastik dhe këtë e ka dëshmuar te çdo klub ku ka qenë. Ka një karrierë spektakolare”, u shpreh spanjolli.

Rodri pranoi se nuk ishte e lehtë t’i thoshte “jo” Real Madridit.

“Nuk ishte e lehtë t’i thuash jo Real Madridit, sidomos pasi më trajtuan shumë mirë. Duhej të shqyrtoja shumë gjëra dhe të merrja një vendim vërtet të rëndësishëm, ku përfshiheshin dy klubet më të mira në botë”.

“Vendimin e mora duke u bazuar në aspektet sportive, në atë që më emociononte më shumë dhe në vendin ku ndjeja se mund të fitoja më shumë dhe të përparoja si futbollist”.

Barcelona ka pasur një fillim fantastik të sezonit, ndaj deri tani Rodri nuk duket se ka marrë vendimin e gabuar.