Alisson optimist pas startit të Liverpoolit: Kemi shumë për të përmirësuar, por jemi gati

Liverpooli nuk e ka nisur në mënyrën më të mirë sezonin e ri në Premier League, duke barazuar në dy ndeshjet e para me rezultatin 2:2.

Megjithatë, portieri Alisson Becker beson se skuadra do të përmirësohet dhe se rezultatet më të mira do të vijnë në vazhdim.

“Kemi bërë disa ndeshje të mira, por ende kemi shumë gjëra për të përmirësuar. Nuk kemi qenë të qëndrueshëm gjatë gjithë ndeshjes, por do të arrijmë aty”, ka deklaruar braziliani.

Alisson theksoi se objektivi i skuadrës është të hyjë në çdo ndeshje me mentalitetin për të fituar.

“Gjëja më e mirë është të fitojmë dhe me këtë mentalitet duhet të hyjmë në ndeshjen e radhës. Nuk patëm rezultate të shkëlqyera në parasezon, ndaj kemi punuar shumë fort në javët e fundit”, u shpreh ai.

Portieri i Liverpoolit beson se skuadra ka potencial për të dominuar kundërshtarët nëse zbaton siç duhet planin e lojës.

“Jo shumë ekipe do të jenë në gjendje ta mbajnë kontrollin e topit kundër nesh nëse luajmë me qëndrimin dhe planin e duhur. Duhet punë, por jemi gati për sfidën”, përfundoi Alisson.