Klubeve të Superligës u rritet vlera në Transfermarkt
Vlera e Superligës së Kosovës po rritet vazhdimisht. Në përditësimin e fundit të platformës së njohur Transfermarkt vlera e klubeve të elitës së futbollit kosovar është rritur dukshëm. Kampionia në fuqi, Drita mbetet më e vlerësuara, tani me 7.5 milionë euro. E këtij lajmi i është gëzuar edhe presidenti i FFK-së, Agim Ademi, i cili në Instagram ka shkruar: “Superliga e Kosovës vazhdon të rritet edhe në aspektin e vlerës së tregut. Sipas të dhënave të Transfermarkt, klubet tona po dëshmojnë progres, stabilitet dhe potencial zhvillimi. Investimi në futboll, përmirësimi i infrastrukturës dhe puna e përbashkët po japin rezultate konkrete”
