Kosova në grup me Kroacinë, Bullgarinë dhe Gjibraltarin për Kupën e Botës 2027
Të martën është zhvilluar shorti për kualifikimet evropiane për Kupën e Botës 2027 për futbolliste, që do të zhvillohen në tri nivele, njësoj si Liga e Kombeve të Grave të UEFA-s.
Kombëtarja e Kosovës do të garojë në Ligën C (niveli i tretë) dhe do të përballet në grup me:
- Kroacinë
- Bullgarinë
- Gjibraltarin
Si funksionon avancimi:
- Fituesi i grupit kalon në play-off për kualifikim në Botëror dhe njëkohësisht promovohet në Ligën B për ciklin e ardhshëm të Ligës së Kombeve.
- Nga Liga C, në play-off për Botëror do të kualifikohen edhe dy ekipet më të mira që renditen të dyta, nga gjashtë grupet e Ligës C.
Kalendar i ndeshjeve të Ligës C: mars – prill – qershor 2026
Shqipëria garon në Ligën B, në grup me Uellsin, Çekinë dhe Malin e Zi, ku kualifikimi për Botëror mund të arrihet vetëm përmes play-off, jo direkt.
