Superliga vazhdon me ndeshjet e xhiros së 12-të, vëmendja në Gjilan
Albi Mall Superliga e Kosovës vazhdon me ndeshjet e xhiros së 12-të, ku në program sot janë tre duele për t’u zhvilluar.
Padyshim që vëmendja e adhuruesve të futbollit kosovar do të jetë në Gjilan, ku kampioni në fuqi i Kosovës, Drita pret Llapin.
Gjilanasit kërkojnë të rikthehen te fitoret pas disfatës në mesjavë, derisa Llapi kërkon vazhdimësi të rezultateve të mira.
Sfidë tejet interesant pritet të zhvillohet edhe në Klinë, ku Dukagjini përballet me Malishevën.
Ndërkohë në Lipjan, Prishtina e Re është nikoqir i Drenicës.
Të gjitha ndeshjet e ditës së sotme fillojnë nga ora 13:00.
