Malisheva fiton ndaj Prishtinës së Re, ngjitet në vendin e pestë
Malisheva ka arritur fitoren e katërt në këtë edicion të Albi Mall Superligës, duke triumfuar me rezultat 2:0 ndaj Prishtinës së Re në ndeshjen e javës së 10-të.
Takimi u zhvillua në stadiumin “Sami Kelmendi” në Lipjan, ku skuadra malishevase siguroi tri pikë të rëndësishme falë paraqitjes bindëse në pjesën e parë.
Të dy golat për Malishevën i realizoi sulmuesi Altin Aliu, i cili shënoi në minutat 9’ dhe 39’, duke u bërë heroi i këtij takimi.
Me këtë fitore, Malisheva ngjitet në vendin e pestë të renditjes tabelare me 13 pikë, duke konfirmuar formën në rritje në javët e fundit të kampionatit.
