Ademi para shortit: E ardhmja jonë është e ndritur, ëndrrat më të mëdha mund të realizohen
Presidenti i Federatës së Futbollit të Kosovës, Agim Ademi, ka ndarë një moment të veçantë pranë trofeut të Kupës së Botës, së bashku me përzgjedhësin Franco Foda. Ky moment frymëzues vjen në prag të shortit për kualifikimet e Kupës së Botës 2026. “…trofeu i Kupës së Botës na motivon që të vazhdojmë të ndërtojmë një ekip kombëtar që ëndërron dhe lufton për të arritur majat. E ardhmja jonë është e ndritur dhe besojmë se edhe ëndrrat më të mëdha mund të realizohen”, ka deklaruar Ademi.
