Malisheva fiton në “Zahir Pajaziti” ndaj Llapit
Pas barazimit me Gjilanin dhe fitores ndaj Feronikelit 74, Llapi e ka pësuar disfatën e parë në nisje të edicionit të ri të Superligës së Kosovës në futboll. Llapi të shtunën gjatë ditës u mposht nga Malisheva në stadiumin “Zahir Pajaziti”, me rezultatin 1:0.Ndeshja i ka takuar xhiros së tretë. Raste patën të dyja skuadrat përgjatë 90 minutave, por sfidën e vendosi goli i Fatjon Bunjakut në minutën e 55-të. Bunjaku shënoi në portën e zbrazët, pas asistimit të Arbër Pirës. Malisheva gjithë pjesën e dytë e luajti me një futbollist më pak në fushë pas përjashtimit të Robert Matheiu Ndiji, që u ndëshkua me të kuq pas rishikimit të situatës në VAR. Në minutën e 86-të, Drilon Hazrollaj i Malishevës e pati mundësinë e artë për ta dyfishuar rezultatin, por i vetëm përballë portierit Ilir Avdyli, gjuajti jashtë. Hazrollaj ishte realizator i 25 golave në edicionin e kaluar. Për Llapin e drejtuar nga Tahir Batatina, në minutën e 88-të rrezikoi sulmuesi Ahmed Januzi. Gjuajtja e tij shkoi ngjitur me shtyllën pingule. Malisheva ndeshjen e parë nuk e zhvilloi ndaj Dritës. Ky ballafaqim është vendosur të luhet në ndonjë datë tjetër, pas angazhimit të gjilanasve në skenën ndërkombëtare. Ndërkohë në xhiron e dytë, Malisheva e drejtuar nga Bekim Isufi, barazoi me Ferizajn. Në xhiron e katërt, Llapi udhëton te Prishtina, kurse Malisheva e pret Ballkanin.(17:24) – Malisheva në epërsi ndaj LlapitMalisheva e ka befasuar Llapin në stadiumin “Zahir Pajaziti” në Podujevë. Malishevasit janë duke fituar me rezultatin 1:0. Golin e epërsisë së mysafirëve e shënoi sulmuesi Fatjon Bunjaku në minutën e 55-të, me asistim të Arbër Pirës. Ndeshja i takon xhiros së tretë të Superligës së Kosovës.Malisheva e mbyll pjesën e parë me një futbollist më pak në fushëSkuadra e Llapit dhe Malisheva e kanë mbyllur pjesën e parë pa gola. Në minutën e dytë shtesë të pjesës së parë, Malisheva mbeti me një futbollist më pak në fushë, pasi mesfushori Robert Mathieu Ndjigi u ndëshkua me karton të kuq. Ndeshja është duke u zhvilluar në stadiumin “Zahir Pajaziti”, në Podujevë dhe i takon javës së tretë të Superligës së Kosovës në futboll.
