Zyrtare: Lautaro Martinez rinovon kontratën te Inter
Lautaro Martinez ka rinovuar kontratën me Interin deri më 30 qershor të vitit 2029.
Lajmin e ka bërë të ditur vetë klubi zikaltër përmes një njoftimi në faqen e tij zyrtare.
“Inter njofton se ka arritur një marrëveshje për vazhdimin e kontratës së lojtarit Lautaro Martinez: sulmuesi i lindur në vitin 1997 do të jetë pjesë e skuadrës zikaltër deri më 30 qershor 2029,” shkruhet në deklaratën e Interit.
Martinez iu bashkua Interit në vitin 2018 nga skuadra argjentinase, Racing Club. Në 206 ndeshje për skuadrën e Milanos, ai ka shënuar 103 gola.
