Muriqi: Çdo ditë punoj për ta nderuar vendin tim
Belfast , United Kingdom - 24 September 2022; Vedat Muriqi of Kosovo reacts during the UEFA Nations League C Group 2 match between Northern Ireland and Kosovo at National Stadium at Windsor Park in Belfast. (Photo By Ramsey Cardy/Sportsfile via Getty Images)
Vedat Muriqi është zgjedhur futbollisti i vitit në Kosovë, çmim i ndarë nga Federata e Futbollit të Kosovës.
Sulmuesi kosovar për herë të dytë e ka fituar këtë çmim, teksa nuk ka mundur të jetë prezent për ta marrë atë shkaku i obligimeve me Mallorcan.
Megjithatë sulmuesi prizrenas ka shfrytëzuar profilin e tij zyrtar në Instagram për të treguar se është zgjedhur më i miri i vitit në Kosovë, duke falënderuar të gjithë për përkrahjen.
28-vjeçari ka thënë se është krenar me çmimin e marrë, derisa do të punoj në çdo aspekt për ta nderuar vendin e tij Kosovën.
“Jam shumë i lumtur dhe krenar që jam përzgjedhur si “Futbollisti i Vitit” për herë të dytë në ceremoninë e ndarjes së çmimeve “Lauretët e vitit””.
“Në çdo aspekt të karrierës sime do të punoj më shumë çdo ditë për të nderuar vendin tim dhe sportistët e rinj që më kanë idhull. Faleminderit shumë,ju dua”, ka shkruar Muriqi.
Kujtojmë që Muriqi është golashënuesi më i mirë në histori të Përfaqësueses së Kosovës, derisa ka pasur një vit të jashtëzakonshëm me Mallorcan.
