Kroacia sërish e treta në Botëror
Kombëtarja e Kroacisë fitoi vendin e tretë në Botërorin e Katarit, duke mposhtur Marokun në duelin për medaljen e bronztë, me 2:1. Për marokenët, edhe vendosja në mesin e katër më të mirëve është një sukses i madh në këtë Botëror.
Në fillim të ndeshjes të dyja skuadrat shënuan nga një gol. Josko Gvardiol i dha epërsinë Kroacisë në minutën e shtatë, por Ashraf Dari barazoi vetëm dy minuta më vonë.
Kroatët e rikthyen epërsinë në fund të pjesës së parë, pasi Mislav Oršić shënoi një gol të mrekullueshëm në minutën e 42-të. Në pjesën e dytë, Mateo Kovacic pati një rast për gol të tretë, por nuk realizoi dhe Anne Nesiri mund të barazonte në momentet e fundit, por ishte pak i pasaktë në gjuajtjen me kokë.
