Figo kundër Santosh: Kupën e Botës nuk e fiton me Ronaldon në bankinë
Eliminimi i Portugalisë në çerekfinale të Kupës së Botës në Katar ka të ngjarë të sjellë fundin për trajnerin Fernando Santos, pasi legjenda portugeze e futbollit Luis Figo pranoi se ishte i befasuar nga vendimi i tij për të filluar ndeshjen kundër Marokut pa Cristiano Ronaldon si titullar.
Figo beson se vendimi për të ulur në bankinë pesë herë fituesin e Topit të Artë ishte një gabim kyç.
“Nuk mund të fitosh Kupën e Botës me Ronaldon në bankinë. Mirë, fituat kundër Zvicrës? E shkëlqyeshme! Por a mund ta bëni këtë çdo ndeshje pa të? Ishte një gabim i madh dhe trajneri dhe pjesa tjetër e ekipit të trajnerëve janë përgjegjës për këtë humbje”, tha Figo.
