Habit kreu i bandës kosovare në Spanjë: Mund të kisha grabitur Messin, por nuk e bëra pasi e respektoj shumë
2 min read![](https://futbolli.info/wp-content/uploads/2023/11/1699286420207_a295c8e0-4d09-4c78-8ee8-85a7a8c26d93-jpg.webp)
Vjedhjet dhe grabitjet e shtëpive të futbollistëve janë kthyer në trend. Viktima e fundit e grabitësve ishte Sergio Ramos dhe një nga kriminelët që merret pikërisht me punë të tilla ka dhënë një intervistë për gazetën spanjolle El Espanol, transmeton Ballkani.info.
Bëhet fjalë për kreun e bandës kosovare i njohur vetëm me emrin Alberto. Thuhet se Alberto është njeriu kryesor i bandës, e cila numëron mbi njëqind vepra kriminale.
“Ne grabitëm Karim Benzema dhe një herë u përpoqëm të grabisnim Cristiano Ronaldon. Ne hymë në shtëpinë e tij në Madeira, por plaçka që gjetëm atje nuk ishin joshëse. 11 vjet më parë ne hymë në shtëpinë e Johan Cruyff, as nuk e dinim se ishte i tij. E kuptuam se i kujt ishte kur pamë fotot në mure. Arritëm të vidhnim sende me vlerë rreth 20 mijë euro”, tha ai, më pas zbuloi se Lionel Messi ishte i vetmi futbollist që mundi ta grabiste, por nuk donte.
“Disa herë kam ndaluar njerëzit që donin të hynin në shtëpinë e Messit. Sigurisht, nuk mund t’i ndaloj të gjitha përpjekjet e tilla, por këtë herë munda. Jam shumë krenar për këtë. Mund ta kisha grabitur vetë Messin, e kisha mundësia për të hyrë në shtëpinë e prindërve të tij rreth një vit më parë. Nuk e bëra nga respekti për Messin”, ka pwrfunduar ai. /Ballkani.info