Objektivi i madh i Barçës në “El Clasico”; një gol larg balancimit të historisë
Një “El Clasico” për historinë. Barcelona dhe Real Madridi përballen këtë të shtunë, më 28 tetor, në një mjedis të paprecedentë për klasiken e parë të sezonit. Të dyja skuadrat vijnë në këtë ndeshje në një moment barazie maksimale. Ato ndahen me vetëm një pikë në klasifikim dhe kanë arritur të njëjtat rezultate në 5 ndeshjet e tyre të fundit (4 fitore dhe një barazim).
Për më tepër, në aspektin historik, ky bilanc është i dukshëm edhe në përballjet e La Liga-s, pasi të dyja skuadrat ndahen me një gol të vetëm në rezultatin e tyre të përgjithshëm në këtë kompeticion.
Real Madrid dhe Barcelona janë përballur gjatë historisë në 186 ndeshje të La Liga-s. Para se të luhet ndeshja e tyre e radhës, madrilenët janë vetëm një gol përpara katalanasve në rezultatin e përgjithshëm të “El Clasico”, sipas të dhënave të Opta (299-298 për Real Madrid).
Për këtë arsye, në “El Clasico” e kësaj të shtune, Blaugranët do të përpiqen të përfitojnë për ta ndryshuar këtë raport në favor të tyre. Edhe pse kjo nuk do të jetë një detyrë e lehtë, pasi Real Madridi do të luftojë për fitore me synimin për të qëndruar në krye të klasifikimit La Liga-s.
Një rezultat që do të rriste edhe distancën e të bardhëve në tabelën globale të rezultateve kundër Barçës dhe në klasifikimin historik të La Liga-s, ku ata janë lider. Në 186 “El Clásico” që janë luajtur në të gjithë historinë e La Liga-s, janë shënuar gjithsej 597 gola.
Pra, kjo ndeshje është vetëm tre gola larg arritjes së shifrës së 600, diçka që e kanë arritur vetëm dy ndeshje të tjera në kategorinë më të lartë të futbollit spanjoll. Ndeshja që ka gjeneruar më shumë gola në të gjithë historinë e elitës së futbollit spanjoll ka qenë Barcelona-Athletic Club, me gjithsej 611 gola.
Ndërsa Real Madrid-Athletic Club zë vendin e dytë në këtë renditje, me 608 gola në të gjithë historinë e La Liga-s. Kësisoji, “El Clasico” mund të bëhet pjesë e këtij klubi të përzgjedhur këtë të shtunë.
Edhe pse Barçës i duhet vetëm një gol për të barazuar rezultatin e përgjithshëm (të golave) të La Liga-s, edhe nëse fiton “El Clásico” e radhës, katalanasve do t’iu duhen edhe dy ndeshje të tjera për të balancuar rekordin e tyre në kampionat kundër Real Madridit.
Para përballjes së sotme Barcelona-Real Madrid, bilanci është 77 fitore për të bardhët, 35 barazime dhe 74 fitore për katalanasit. Pra, të paktën, do të duhet të presim sezonin e ardhshëm të La Liga-s për t’i përballuar skuadrat kokë më kokë statistikisht.
