Kontrasti me ndeshjen ndaj Çekisë, zbuloni sa bileta janë shitur për miqësoren me Bullgarinë
Kombëtarja shqiptare luan një nga ndeshjet më të rëndësishme në historinë e saj, ndoshta më të rëndësishmen teksa të enjten e 12 tetorit do të presë në ‘Air Albania’ Çekinë për të zhvilluar një ‘finale’ të vërtetë për fatet e kualifikimit në Euro 2024.
Një fitore na siguron matematikisht ëndrrën e madhe dhe entuziazmi është jashtëzakonisht i lartë tek tifozët të cilët kanë blerë biletat për punë minutash sapo dolën në shitje. Mirëpo, nuk mund të thuhet e njëjta për sfidën e rradhës, e cila do të jetë ndaj Bullgarisë më 17 tetor, në një miqësore po në Tiranë.
Mësohet se deri mbrëmjen e djeshme janë shitur gjithsej vetëm 1600 bileta, një numër shumë i vogël krahasuar me atë ndaj çekëve.
