Skandal në Katar, Samuel Eto’o rrahu një kameraman (Video)

Futbollisti legjendar Samuel Eto’o ka qenë mbrëmë në qendër të vëmendjes në Katar, për shkak të një incidenti të ndodhur pas ndeshjes së 1/8 së finales ndërmjet Brazilit dhe Koresë së Jugut (4:1).

Eto’o, i cili aktualisht është presidenti i Federatës së Futbollit të Kamerunit po bënte foto me disa tifozët, por situata doli jashtë kontrollit për pak sekonda.

Eto’o fillimisht është konfliktuar verbalisht me një kamerman dhe pasi i ka dhënë celularin njërit prej personave nga rrethi i tij i ngushtë, ka vrapuar dhe e ka goditur me gju në kokë kameramanin.

Para fillimit të Kupës së Botës, ai deklaroi besimplotë se Kameruni do të fitonte titullin e kampionit. Por, Kameruni nuk arriti as ta kalojë grupin në të cilin bënte pjesë Brazili, Zvicra dhe Serbia.

Gjithsesi, fitorja kundër Brazilit në ndeshjen e fundit në grup (1:0) mund të ketë shërbyer si ngushëllim i mirë për kamerunasit, por gjesti agresiv i legjendës së tyre nuk do fare koment.

[VIDEO] Samuel Eto’o golpea peligrosamente a una persona al final del partido entre Brasil y Corea https://t.co/smWcShJBYE pic.twitter.com/aXacvIHIdM

— La Opinión (@LaOpinionLA) December 6, 2022