Manchester City me rikthim mposhtë West Hamin në Londër
Edhe pse ‘qytetarët’ dominuan dhe ishin disa herë afër golit, të parët kaluan në epërsi ‘çekanët’.
Zhvillohej minuta e 36-të, kur Vladimir Coufal asistoi te James Ward-Prowse që shënoi për 1-0.
Por me të filluar pjesa e dytë, Manchester City arriti t’i barazojë shifrat me Jeremy Dokun në 1-1.
Të besuarit e Pep Guardiolas nuk u ndalën për asnjë moment dhe krijuan shumë derisa arritën të kalonin në epërsi.
Zhvillohej minutan e 75-të, kur Julian Alvarez asistoi te Bernardo Silva që shënoi për 2-1.
Pas shumë dështimeve edhe Erling Haaland arriti të shkruhej në listën e shënuesve, duke gjetur rrjetën në minutën e 86-të.
Manchester City ka 15 pikë pas pesë ndeshjeve dhe është lider.
