Në stadiumin “Përparim Thaqi” të stërmbushur, Ballkani mposht Lirinë
1 min read![](https://futbolli.info/wp-content/uploads/2023/08/367431201_671993194964182_5710961250309048451_n-1130x635-1-jpg.webp)
Ballkani e ka nisur me fitore sezonin e ri, duke e mposhtur si mysafirë Lirinë me rezultat 1-0.
Liria kthehej në elitë pas katër vitesh, ku prizrenasit e kishin mbushur stadiumin e rinovuar “Përparim Thaqi”, pasi të pranishëm ishin mbi 5 mijë shikues.
Si pjesë e këtij entuziazmi, Liria ishte më e mirë në pjesën e parë, duke krijuar disa raste.
![](https://telegrafi.com/wp-content/uploads/2023/08/367434366_823747316133040_8583168454356640757_n.jpg)
Por në të dytën kampionët shtrënguan dhëmbët dhe futën në formacion disa lojtarë që i mungonin.
Goli i epërsisë për suharekasit erdhi në minutën e 65-të, kur Nazmi Gripshi me një gjuajtje të bukur nga brenda zonës shënoi për 1-0.
Deri në fund edhe pse kishte raste, gola më nuk kishte dhe Ballkani mori tri pikët e para. /