Shahini: Lojtarët tanë luajtën aq sa ishte e nevojshme për të fituar

Afrim Shahini, trajneri i përkohshëm i Dritës, është shprehur se skuadra e tij nuk do të dorëzohet deri në fund të kampionatit për garën e titullit. Ai ka theksuar se lojtarët e Dritës e zotëruan plotësisht ndeshjen kundër Prishtinës, edhe pse nuk arritën të shënojnë më shumë se një gol (1:0).

“Në pjesën e parë të ndeshjes luajtëm shumë mirë dhe krijuam shumë raste shënimi. Megjithatë, rezultati mund të kërkojë që ta ruash epërsinë dhe të shohësh për golin e dytë nëpërmjet kundërsulmeve. Lojtarët tanë u treguan të mençur dhe luajtën aq sa ishte e nevojshme për të fituar pikët e plota. Ne nuk do të ndalojmë deri në fund të kampionatit dhe do të vazhdojmë të luftojmë për titullin e kampionit. Do të përqendrohemi Do t’i marrim ndeshjet në çdo ndeshje duke pritur edhe gabimin e rivalit për titull”, ka thënë Shahini.

Pas dorëheqjes së Arsim Thaqit nga posti i trajnerit, Shahini e ka udhëhequr Dritën në këtë ndeshje. Edhe pse Drita gjendet momentalisht në vendin e parë të tabelës, Ballkani ka një ndeshje më pak dhe ka mundësi të rikthehet nesër në pozitën e parë.