May 2025
M T W T F S S
 1234
567891011
12131415161718
19202122232425
262728293031  
May 10, 2025

Rummenigge i jep këshilla Interit: City mposhtet nëse nuk e lejon të luajë futboll të bukur

Ish-sulmuesi i Interit, Karl-Heinz Rummenigge thotë se është shumë i lumtur që e sheh ish-skuadrën e tij të arrijë në finalen e Ligës së Kampionëve kundër Manchester Cityt, teksa nuk ka ngurruar të japë disa këshilla se si zikaltrit mund të ndalojnë skuadrën e Pep Guardiolës, që duket e pandalshme. Në fakt, City e mposhti Real Madridin 4:0 në ndeshjen e dytë gjysmëfinale.

“Mendoj se do të mjaftojë të përsëriten dy ndeshjet kundër Milanit. Kjo do të ishte një taktikë e mirë. Interi ishte vazhdimisht aktiv, duke i mbyllur mirë të gjitha sulmet. Edhe pse City ka një sulm të fuqishëm me Haaland, Grealish dhe Foden dhe të tjerët, Interi mundet  t’ua mohojë gëzimin në futboll. Mendoj se kjo është strategjia e duhur. Skuadra e Pep Guardiolës është gjithmonë e bashkuar, derisa ai është një trajner që e do futbollin e bukur dhe nëse ia merr këtë, mund ta mposhtësh”, ka theksuar Rummenigge në një intervistë për “La Gazeta dello Sport”.

Ai foli edhe për metodat e Guardiolës, me të cilin pati rastin të punonte kur katalanasi drejtonte Bayern Munichun.

“Çdo të premte shikoja përgatitjet e tij për ndeshjet e kampionatit të së shtunës. Ai është një fenomen për të gjitha detajet në përgatitjet. Është një trajner shumë i mirë. Ne u bëmë miq. Kur ai vjen në Munih dalim për darkë, por ai flet vetëm për futboll tre orë. Ai nuk është në City sepse fiton shumë para, por sepse e do futbollin”, ka shtuar Rummenigge.

Leave a Reply

Your email address will not be published. Required fields are marked *