Real Madridi kalon Barcelonën në tabelën e La Liga-s
Skuadra e Real Madridit ka shënuar fitore në javën e 18-të në La Liga, pasi mposhti Sevillan me shifrat 4:2.
Qysh në pjesën e parë skuadra e Carlo Ancelottit tregoi se janë futur në fushë për t’i marrë tri pikë.
Me golat e Mbappes, Valverdes dhe Rodrygos, Reali e mbylli pjesën e parë me epërsi 3:1.
Në të dytën pjesë, Real Madrid shënoi edhe një gol tjetër me anë të Brahim Diazit.
Kurse golin e fundit në këtë përballje e shënoi Lukebakio në minutën e 86’të.
Me këtë fitore, Real Madrid shkon në kuotën e 40 pikëve në pozitën e dytë, duke kaluar Barcelonën (38) dhe kështu mbetët një pikë mbrapa liderit të ri, Atletico Madrid (41).
