Pjanic: Lamine Yamal ka talent të jashtëzakonshëm
Miralem Pjanic, ish-mesfushor i Barcelonës, i cili luajti për klubin katalanas nga viti 2020 deri në 2022, ka qenë i ftuar si prezantues në eventin Globe Soccer Gala të mbajtur në Dubai. Edhe pse nuk ka fituar asnjë çmim gjatë këtij eventi, 34-vjeçari boshnjak, tani pjesë e CSKA të Moskës, ka marrë pjesë së bashku me djalin e tij.
Në një intervistë për Sky Sport, Pjanic ka shprehur mendimin e tij për yjet e rinj të futbollit modern. Ai ka thënë se nuk është befasuar nga asnjë lojtar, por ka theksuar se i pëlqen shumë të shikojë Lamine Yamal, kur ai ka topin. “Kam dëgjuar shumë për të që kur isha te Barcelona. Më thonin se ishte një yll i ardhshëm dhe tani e kuptoj që kishin të drejtë. Ai ka një talent të jashtëzakonshëm dhe duhet të mbrohet,” tha Pjanic.
