Messi pas fitores brilante ndaj Meksikës: Për ne Botërori fillon tani!
Lionel Messi mendon se Kupa e Botës sapo po fillon për Argjentinën pas fitores së tyre vendimtare 2-0 ndaj Meksikës të shtunën, në të cilën ai shënoi një gol mahnitës nga distanca para se të shënonte Enzo Fernandez për të vulosur triumfin.
Pas një disfate shokuese ndaj Arabisë Saudite, Argjentina e dinte se i duhej një fitore ndaj Meksikës për të shmangur eliminimin dhe favoritët e udhëhequr nga 35-vjeçari Messi bënë atë që duhej për të qëndruar në garë për trofeun.
“Sot fillon Kupa e Botës për Argjentinën. Ishte e vështirë për ne pas disfatës në ndeshjen e parë, të cilën nuk e prisnim. Ditët ishin të gjata dhe ne donim një shans për të treguar se mund të bënim më shumë. E dinim që ishte një ndeshje vendimtare dhe për fat të mirë kishim një shans për të fituar dhe për të hequr barrën. Kjo është një arsye për gëzim dhe qetësi, sepse tani gjërat varen përsëri vetëm nga ne. I them të gjithëve gjatë gjithë kohës se duhet të vazhdojnë të besojnë. Nuk kemi zgjidhje tjetër”, thotë Messi.
Argjentinasit janë tashmë të dytët në Grupin C, me 3 pikë, një pas Polonisë, me të cilën luajnë në xhiron e fundit dhe ndaj të cilës nuk do t’u mjaftojë barazimi për t’u kualifikuar nëse Arabia Saudite mund Meksikën. Të katër kombëtaret kanë ende shanse për t’u kualifikuar.
