“Mentaliteti është pika ime e fortë”, Albion Rrahmani për aventurën te Sparta Praga: Jam i lumtur këtu!

Sulmuesi i Kombëtares së Kosovës, Albion Rrahmani gjatë një interviste për faqen zyrtare të klubit nga Çekia, ka treguar aventurën e tij në Sparta Pragë.

24-vjeçari shprehet tejet i lumtur me fanellën e klubit çek, me qytetin dhe me fushat stërvitore që posedon Sparta e Pragës.

“Është shumë bukur këtu. Jam i lumtur që jam pjesë e këtij ekipi. Unë jam duke luajtur në një qytet shumë të bukur, ku konkurrenca është cilësore dhe i rrethuar me një ekip shumë të madh. Nuk dal shumë në qytet, por sigurisht që më ka lënë përshtypje të mirë.

“Po më duhet të them se këtu është shumë mirë. Qendra stërvitore është mjaftë e mirë, fushat janë shumë të përgatitura. Më duhet gjithashtu të thur lavde për ekipin zbatues, me të cilin jemi kontakte të ngushta. Në të njëjtën kohë, të gjithë shokët e skuadrës janë shumë të sjellshëm dhe mikpritës, me të cilët po shkojmë shumë mirë.

“Një shans i mirë mund të vijë një ose dy herë në lojë, kështu që ju duhet të bëni më të mirën tuaj për të shënuar. Mendoj se mentaliteti është pika ime e fortë. Fakti që përpiqem të shënoj në çdo shans që marr në stërvitje, është dëshmi e kësaj”, u shpreh Albion Rrahmani gjatë intervistës për faqen zyrtare të klubit.

24-vjeçari gjatë këtij sezoni në elitën e futbollit çek ka zhvilluar dy ndeshje, ka shënuar një gol dhe ka bërë një asist.