Mason Mount: Është koha të ngjitemi dhe të synojmë Champions League
Mason Mount i ka dhënë mesazh shokëve të tij te Manchester United pas fitores 2-1 ndaj Crystal Palace në Premier League. Mesfushori anglez, që shënoi golin vendimtar për tre pikët e skuadrës, luajti gjithashtu 90 minuta të plota në ligë për herë të parë që nga transferimi nga Chelsea në 2023.
“Jam ndjerë mirë gjatë gjithë sezonit. Parasezoni ka shkuar shumë mirë, kam punuar fort në stërvitje çdo javë dhe kjo ka ndikuar edhe tek ne si grup,” tha Mount.
Ai shtoi: “Ka pasur ulje-ngritje, por tani jemi në një pozicion më të fortë. Duhet të fillojmë të fitojmë më shumë ndeshje. Kjo është gjëja më e rëndësishme. Rezultati ndaj Crystal Palace ishte i vështirë, por kthimi dhe fitorja ishin thelbësore. Është koha të synojmë pozicionin në katërshe dhe Champions League sezonin tjetër.”
