Lando Norris fiton në shtëpinë e Verstappen
Në garën e Cmimit të Madh të Holandës në Formula 1, Lando Norris me McLaren arriti një fitore të shkëlqyer në pistën e Zandvort, duke triumfuar përpara Max Verstappen, kampionit të botës, që përfundoi i dyti. Ky ishte një sukses i veçantë për Norris, pasi e fitoi garën në shtëpinë e rivalit të tij kryesor për titullin.
Charles Leclerc me Ferrari u rendit i treti dhe arriti të sigurojë një vend në podium, duke lënë pas Oscar Piastri me McLaren, i cili përfundoi i katërti. Piastri humbi vendin e tretë për shkak të një strategjie më të mirë në ndërrimin e gomave nga ana e Leclerc.
Gara e kthimit pas pushimeve verore theksoi dominimin e McLaren mbi Red Bull, me britanikët që po dukeshin më të fortë në pistë. Verstappen tani ka katër gara radhazi pa fitore, por vazhdon të kryesojë me një diferencë prej 69 pikësh ndaj Norris. Ky rezultat për Norris është fitore e dytë për këtë sezon dhe rrit shpresat e tij për titullin.
Në zonën e pikëve, Carlos Sainz përfundoi i pesti me Ferrari, ndërsa Sergio Perez me Red Bull dhe dy makinat Mercedes të George Russell dhe Lewis Hamilton u renditën më pas. Gjithashtu, Pierre Gasly dhe Fernando Alonso u renditën në vendet e tjera të pikëve.
