Kjo pritet të jetë skuadra e re e Edinson Cavani
Sipas gazetës prestigjioze franceze “L’Équipe”, zyrtarizimi i Edinson Cavanit si lojtar i Boca Juniors mund të bëhet realitet në ditët në vijim.
Një pjesë e marrëveshjes është e mbyllur dhe mësohet se kanë mbetur për t’u përcaktuar vetëm disa detaje të vogla që gjithçka të konkretizohet me hedhjen e të zezës mbi të bardhë.
Valencia nuk e ka në plane sulmuesin uruguaian për sezonin e ardhshëm dhe është e gatshme ta lërë të shkojë për të kursyer pagën për vitin e kontratës që lojtarit i ka mbetur me klubin spanjoll.
