Interi mposht Napolin, rihapet gara për titull

Asgjë nuk ka përfunduar ende në Serie A! Interi ka shënuar fitore në “Guiseppe Meazza” në duel me Napolin, me rezultat 1-0, në një ndeshje ku Amir Rrahmani ishte titullar.

Federico Dimarco në minutën e 56-të të ndeshjes gjeti në mënyrë fantastike Edin Dzekon, i cili me golin e tretë në katër ndeshjet e fundit të Interit solli një avantazh, i cili më pas rezultoi i paarritshëm për mysafirët. Napoli kishte më shumë posedim dhe gjuajtje në portë, por përfundoi duke e pësuar humbjen e parë të sezonit.

Napolitanët mbeten kryesuesit e tabelës me 41 pikë, pesë pikë përpara kampionit aktual Milan, i ndjekur nga Juventusi me 34 dhe tashmë Interi në vendin e katërt me 33 pikë.

SERIA A
Inter – Napoli 1:0
Udinese – Empoli 1:1