Goli i Stuanit në minutën e 92-të i dha triumfin Gironës ndaj Betisit
Skuadra e Gironës arriti një triumf të rëndësishëm para shikuesve të vet, ku pas një lufte të madhe arriti të mposht Betisin, me rezultatin përfundimtar 3-2, në ndeshjen e xhiros së 30-të në La Liga. Heroi i vendasve ishte Christian Stuani, i cili shënoi golin e fitores në minutën e 92-të.
Publiku ishte dëshmitar i nga dy golave në të dyja pjesët, dhe shënuesit në të dy kampet ishin Artem Dovbik dhe Willian Jose.
Reprezentuesi ukrainas riktheu epërsinë për mikpritësit në minutën e 65-të dhe solli gëzim të madh për tifozët e tij, por Willian Jose doli sërish në skenë në minutën e 76-të për të barazuar rezultatin në 2-2.
Girona nuk u dekurajua dhe shkoi në epërsi të tretë dhe ia doli me një përpjekje të madhe që e kurorëzoi Stuani në minutën e 92-të, gjë që shkaktoi një shpërthim të vërtetë në tribuna. Girona tani ka 65 pikë dhe është sërish vetëm dy pikë larg Barcelonës së vendit të dytë.
